كتعتابر Ajax من اكثر التقنيات لي كيتم الاستخدام ديالها في تحديث محتوى الويب

 كتعتابر Ajax من اكثر التقنيات لي كيتم الاستخدام ديالها في تحديث محتوى الويب 

 بشكل غير متزامن وعندها استخدامات اخرى كثيرة وغنتعرفو عليها في موضوع اليوم.

 ما هو ال Ajax  ؟

ال Ajax هو اختصار ل Asynchronous JavaScript And XML  وهي عبارة على واحد المجموعة من تقنيات التطوير لي كتستخدم في بناء مواقع الويب الدينامكية  , يعني وضيفة Ajax الاساسية هي انها تعمل تحديث Refresh ولكن بشكل غير متزامن اي انا المتصفح ديال User مكيحتاجش انه يعمل يقوم باعادة التحميل الصفحة كاملة  وحنا محتاجين غير جزء صغير من الصفحة هو لي يتغير كنتمنا يكون واضح والا مكانش نوضحوه بزز منو Ajax ماشي تقنية او مفهوم جديد في مجال برمجة مواقع الويب بل هي مجموعة من التقنيات الموجودة من قبل وتم اعطائها اسم Ajax كاختصار لهاد التقنيات , وهما Html , Css , Dhtml , JavaScript , Xml , XMLHttpRequest .

 امثلة على استخدامات Ajax 

كمثال على استخدامات Ajax هو محرك البحث جوجل  لي كلشي كيعرفو وكلشي ستعملو في البحث ومثلا مني كتكتب كلمة تعلم كيعطيك ميزات الاكمال التلقائي وكيجيب ليك اختيارات مثلا تعلم البرمجة , تعلم السياقة , تعلم فنون القتال .... وكيجيب ليك هاد الاختيارات بلا مدير الصفحة Refresh فهنا جوجل كيستخدم Ajax لهاد العملية حيت في الماضي قبل متبان هاد التقنية كتكتب مثلا شي كلمة كيلقا مثلا شي كلمات مناسبة للكلمة لي كتبتي كيدير Refesh للصفحة كاملة عاد كيعرض ليك دوك الكلمات .

وايضا غرف الدردشة في بعض المواقع  مثلا باش دوي مع المسؤول فكتسيفط رسالة وكتمشي وكيجيك الرد بلا تقوم الصفحة باعادة التحميل كل ما كتوصل رسالة جيدة .

وايضا في تويتر كل ما يتم نشر تغريدات جديدة تويتر كيحطهم في الصفحة الرئيسية بلا متقوم الصفحة باعدة التحميل كاملة .

 خلاصة القول 

هاد النوع من التقنيات ساعداتنا باش نجعلو الشبكة اكثر دينامكية حيت مكنا الصفحات انها تقوم بتحميل محتوى جديد بلا متحتاج الصفحة كاملة دير اعادة التحميل , من خلال اجاكس وتقنيات مشابهة  حنا كمطورين ويب يمكنا اننا نخلقو التفاعلية في صفحات الويب وتقديم المساعدة للمستخدمين من خلال صفحات سريعة الاستجابة , هاد النوع من التقنيات كثيرة وماشي غير اجاكس لي كاين انا كنستخدم بزاف Axios  وكنشوف انها تفوقات على ال Ajax فبعض الجوانب وحلات بعض المشاكل لي كانت كتواجهني في Ajax داكشي علاش كنخدم بيها بزاف وانشاء الله نديرو مقال كيقارن بين هاد التقنيات ب 2 .

والسلام 

٢٠١٢٠١

١١ تعليقًا

أعجبني

تعليق