كيفاش تستغل الإيمايل الجامعي ديالك!
اليوم غنهدرو على GitHub Educate وكيفاش نستافدو من واحد الـ Pack كبير كتوفرو للطلبة فابور بالخصوص developpers
أول حاجة هادا هو الـ Pack لي تقدر تستافد منو :
- Canva pro (12 Month for free)
- Microsoft Azure 100$
- NameCheap Free .me Domain + 1 year SSL
- Github Pro
- Free domain names .com .tech
- Free hosting
وبزااااف... دخلو وكتشافوهم
مهم مانطولوش بزاف
طريقة التسجيل :
دخل لـ https://education.github.com
كليكي على Students
من بعد كليكي على Get benefits students
غادي طلع لك پاج - دير Create an account
من الأحسن تسجل بالإيمايل الجامعي ديالك من الأول
من بعد ماتسجل دير Verification للايمايل
فبعض الحالات يقدرو يطلبو منك la carte d'étudiant باش يديرو معاك Verification
(ولكن هادشي غير فحالات نادرة، فحالتي انا ماطلبو مني والو)
من بعد، غادي تعاود دخل لـ
ونزل كليكي على GitHub Student Developer pack
غطلع لك پاج جديدة كليكي على Get Your pack
من بعد غادي طلع لك الپاج ديال Request
غادي دير السمية ديال الجامعة ديالك (كاينين جميع الجامعات المغربية و العربية فـ les choix)
غادي تجاوب على السؤال ديال how do you plan to use GitHub بشي شطر ولا جوج اسطر
تقدر متلا تقول ليهم بلي محتاج داك الـ pack فقرايك على سبيل المثال
وكليكي على Submit Your information
غادي يجاوبوك فأقل من 24 ساعة ولا كتر المهم ماغاديش يتعطلو
انا جاوبوني فاقل من 24 ساعة
يقدرو مايجاوبوكش فالإيمايل
دخل مرة مرة لـ
وشوف على ليمن إيلا لقيتي هاد الميساج
Approved, Congrats! Your request was approved
صافي توكل على الله وسير خود الـ pack ديالك
هوما كيقبلو كولشي خاص غير الإيمايل ديالك يكون صحيح وجامعي
السلام عليكم.
Pالتعليقات:
0 التعليقات: