طريقة تصدر نتائج البحث في ايباي

 

السلام عليكم كما العادة ندخلو نيشان فالعرض .

مازالين فموضوع RANKING و دابا نحاول نختاصرلكوم اهم النقاط المساعدة لي تخلي LISTING ديالك تبان فالصفحة الاولى . ف EBAY .

1 - العنوان title :

من اكبر المغالطات لي كيديروها البعض هو انه كايعمر العنوان بالكيوورد و هذا اعتقاد خاطئ لجوج اسباب اولا نحرك البحث ديال ايباي كايميز بين العنوان لي فيه هي الكلمات المفتاحية و العنوان لي كيوصف المنتوج و الاخير هو الاصح . و ثانيا لانك تقدر تجيب مشاهدات من دوك لكيوورد لكن غايكونو غير مستهدفين و بالتالي غاتأثر على الليستينغ ديالك سلبا لانه كل ما طلعو المشاهدات بدون اي action ( شراء , اضافة للسلة ,اضافة لقائمة المشاهدت ...) فالمنتوج كيهبط فمحرك البحث . اذا شنو هو الحل ؟ الحل الاصح هو يكون عنوان كيوصف المنتوج و فنفس الوقت فيه كلمات مفتاحية و الكلمات المفتاحية تكون كجملة لي كيبحث بيها الشاري ماتحاولش دير كل كلمة على حدى

و يفضل انه تكون الكلمة الاقوى هي اول كلمة فالعنوان (الكلمة الام).

و بالنسبة لكيفاش تجيب افكار للعنوان حاول تشوف هي النتائج الاولى ديال نفس المنتوج فغوغل او بينغ.

ملحوظة subtitle عندو دور جوهري هو كذلك

2- الصور Pictures :

الصور كانعتابرهوم اقوى مقوم .. بالنسبة للصور ضروري تكون فيها النقاط التالية

-جودة عالية

- اقل حجم نخزيني ممكن . تقد تستاعن بالموقع التالي باش تنقص من حجمها TinyPNG.

-خلفية بيضاء من الافضل ايلا ماكاينش تكون بلون فاتح

-عدد الصور 12 .. واخا مايكونوش صور مختلفة تقد تعاود نفس الصورة .

-حجم الصورة من الافضل ماينزلش على 1000ّpx*1000px

-شكل الصورة دائما يكون مربع .

3 - الوصف Description :

ونا كاتنقاسم لجوج اقسام الوصف ديال الجزئبات لي كاتعطيك ايباي تعمرو و الوصف لي كاتكتبو نتا . بالنسبة للأول ضروري و مؤكد ماتخلي تاشي خانة فارغة جميع الخانات و بدون استثناء خصك تعمرهوم . علاش حيت فطريقة البحث ديال المشترين شريحة كبيرة بزاااف كاتبحث بدوك الجزئيات .

ثانيا و هو الوصف لي غاتكتب . و هنا ركزو معايا مزيان كيما فايتلي قلت بأن محرك البحث دايباي راه دكي بزاف و كايقدر يحلل مزيان المعطيات .

هنا خاصك الوصف ديالك يكون فيه عنوان و مقدمة و عرض و خاتمة مايكونش عشوائي هي كوبي كولي لا مثلا العنوان يكون بصيغة مخالفة على العنوان الاصلي لي درتي فالليستنغ و المقدمة تكوم كترحيب بالعميل للمتجر ديالك و العرض هو فين التحد الوصف الكامل و الخاتمة تكون شكر للعميل او ايلا حتاج شي تساؤل يرسلك ....

بالنسية للوصف تقد تجيبو من امازون و عدل علبه وجيب وصف اخر ديال نفس المنتوج من شي موقع لي كيبيعو . انا نقولكوم علاش .

هنا درنا الوصف ديالنا و قاديناه على حقو و طريقو الخطوة الموالية هي تمشي ل HTML ديال الوصف ديالك و حط فيه هاد الكود .

<meta name="description" content="5afaya">

<meta name="keywords" content="5afaya">

فالميطا ديسكريبسيون اتحط ديسكريبسيون لي قلتلك جيبها من شي سيت كيبيع نفس المنتج شريطة يكون مرانكي. ( اتكتبها بلاصت 5afaya )

فالكيوورد اتجيب كيوورد من هاد الموقع keywordtool.io هزهوم و حطهوم فنفس المكان . هاد الميتاداتا راه ماكاتبانش فالوصف لكن كاتقوي الوصف بالكلمات المفتاحية .

4 - الثمن و سياسة الشحن :

الثمن تقد تلعب على سنتيمات باش تنافس ماشي بالضرورة طيح الثمن فقط 0.01 كافية باش تعاونك طلع المنتوج ديالك.

سياسة الشحن كل ما كانت اسرع كل ما كاتساعدك باش تتصدر.

هاشي كامل كيبقا بعض النقط لي كاتساعدك و ايلا نسيت شحاجة انحطها فالتعليقات . و الله يسر الامور للجميع

اي سؤال مرحبا 👇👇👇