اذا قراءت هذا المقال اي مقال كتبته سيظهر في صفحة الاولى لغوغل

لقريتي هد لبوسط اي مقال كتبتي غتطلع صفحة لولة فكوكل. بعد لبوسط لي لحت لبارح او واعدتكم اني للقيت غاواحد مهتم غنطلق كاع دكشي لي كنعرف وتعلمت ولقيت بزاف مهتم تاع بصح مشي غير اهتمام جانبي. لمهم ههوا لبوسط بديت لكتبة تاعو مع 7:26 دقيقة معرفتش معاش غنساليه. لمهم اولا حجا خسك تكون عارف اشنهوا سيو ولاش كيصلاح واشنهو الباك لينك لمهم هدشي كاين فكوكل لمع فتيش سير عرفو دغيا فدقيقة واجي كمل خلي نهضر على دكشي لي مكينش فكوكل. لمهم بعد مبديت كنتعلم غاكورسات ومقالات وغنخلي ليكم مقالات هاربين فسيو فتعليق (انجليزي) قلت اجي نبدا نطبق منبقاش غير نتعلم بلا فايدا حيث لحجا لتعلمتيها غير هضرة ولابدا مغدي يخرجو ليك فيها مشاكل لمشيتي طبقتيها. دكشي لي درت ولاكن انا بيت نتعلم لاش غنخصر فلوس استضافة وفلوس كدا وكدا اجي نتعلم غير فبلوغر حتا نشوف راسي مبقاش عتدي مشكل فل اساسيات وديك ساعة نمشي لخدمة الاحترافية تاع الورد بريس لي كيديرره جميع المواقع الكبار. دكشي لي درت مشي لبلوغر درت موقع دبا نوريكم الاخطاء لي طحت فيه والحقيقة فرحت ملي طحت فيهم حيث هداك هو المبتغى من داك الموقع اصلا صلحت الاخطاء كينين اخطاء متصلحوش حيث كارتية ولاكن تعلم كيفاش نتفاداهم فموقع جديد. بعبارة اخرى فهمت علاش شركات كيطلبو الموطف تكون عندو خبرة. لمهم كتاسبت خبرة غافدار الموقع دبا عندو شي شهر وسيمانة ومحدنا دكرنا تاريخ سيو عمرك تشوف الزوار لي جاب ليك حتا تفوت ثلاث اشهر لمجاب حتا زار ديك ساعة كين مشكل حيث بزاف تناس كيلوحو مقال ليوم كيشوفه مطلعش لول وكيدوز شهر مكيلقاو تا زيارة كيفشلو ويخليو كولشي. وقعات ليا هد لقصة داك العام مكنتش كنعرف سيو بزاف ولاكن وقعات ليا قصة لي خلاتني نتعلم لسيو. لمهم نقطة لي لفوق كتعني هيا خدم المقالات ومتمشيش الجيهة تاع عدد الزيارة متشوفهاش اول ثلاثة اشهر من بعد شوف. كندوي على white hat اما black hat كيف والو غيلوح المقال غيبدا يجيب زيارات ديك ساعة ولاكن كوكل مشي مكلخ ديرها فبالك يخليك تاتفعل ادسنس وينزل عليك لمنزل عليك قبل. حجا اخرى لي فهمت من تجربة انا كولا موقع كين فلعالم شي مليار ونص كولا موقع مولاه كينزل فيه كتكون عندو وجهة نظر من كوكل. بحال هد لموقع كتقول عليه كوكل الله يعمرها دار كيلوح بوسط كولا ثلاثة ايام ودكشي كيلوحو زوين بل فيديو والفيديوات وروابط الخارية كيلوح مقال ميدم بلمعلومات لزائر. موقع اخر هد لموقع مولاه معندو ميدار كولا ساعة مقال جديد مرا جايب صورة من الفيس بوك مرا ناقل المقال مرا كاتب مقال فيه جوج سطورة ومكيدير لوصف مزيان لا عنوان مزيان. ديك الهضرة على كولا موقع مشي تخربيق له كاع لي دكر فلموقع لول ايجابي لكوكل وتاني سيلبي لكوكل. روابط الخارجية كيف لعادة معرفتيش اش كتعني سير قلب دقيقة وتعرف وقلب على روابط الخارجية وداخليها واجي تعرف الفوائد تعها. باش كتقول لشي واحد دير رابط خارجي كيقول ليك وعلاش داك مول الموقع لي غندير ليه رابط خارجي هو لي يديرو ليا. رابط الخارجي كيعرنك نتا كثر منو هوا ونتا اصلا كدير ليه نوفولو اش غيستافد لمهم رابط الخارجي كيعونك كيقول لكوكل بلي هد الموقع هضر على نفس الموضع لي هضر عليه داك الموقع لي درتيه رابط خارجي. كتقول كوكل يعتي هو هضر فنفس لموضوع ودار رابط الموضوع تاع داك سيد يعني هدا غيكون دوا على دكشي لي دوا عليه داك الرابط الخارجي وكثر اجي نطلعو فوق منو. مكنعرفش نشرح نتمنى تكونو فهمتو. ولاكن مشي تجي دير رابط خارجي لموقع صاحبك لي يله بادي يدير رابط خارجي غالمواقع لكبار الحكومية ولكبار تاع بصحة يكون سكور ضومين فوق 80 بحال ويكيبيديا وبزاف نتا خود غا لكلمة رئيسية وقلب عليها وخود رابط خارجي من واحد مم لولين. رابط داخلي هو انك كتبتي فلمقال كلمة تفاح ونتا فلمقال لي قبل ولا شي مقال قبل دويتي على تفاح ويكون مدكور فلعنوان يعني كتاخد رابط تاعو وكتربطو معاه. تفاح غامثلا له كنديرو روابط غاكلمات ممعروفينش ولا كلمات امراض ولا بحال هكا. العناوين قصتها بوحدها وقصة كبيرة كيفاش تختار العناوبن ولاكن اهم حجا هيا h1. العنوان الرئيسي باش تقرر انك ديرو كوبي وسير لكوكل وكتبو وكتب قبل منو allintitle: وكتب العنوان قدام جوج نقاط خسك يكون وضع بيسي وغدي يطلعو ليك رقم لكان قل من 70 ونتا لموقع عندو نهار خدم عليه دغيا طلع فيه بل باك لينك ولمدة وسيو. لمهم نتمنى تكونو فهمتو وغنخلي ليكم مقال زوين علي هد العناوين وكدا. لمهم تجربة لي كنت دكرت انهوا وقعات ليا هي انني كنت قديت موقع غاعادي فبلوغر ولحت فيه تطبيقات مهكرة وخا منصح حد بهد ضومين وقديت غير سمية تاع سيو داك سيو القديم تاع تلون لكتبة وتخليها بلود لمهم درك دكشي وانا نمل بعد ملحت شي عشرين تطبيق ودرت عناوين مزيانين لمهم نسيت الموقع وقديت موقع اخر فجيميل اخر وبديت فيه وانا خدام كنت بغيت داك القالب لي فداك الموقع لي خليت رمشيت قلبت على جيميل ودخلت باش ناخد لقالب ودخلت لبلاصت المشاهداة باش تشوف صفر ونحقد ونقول هانيا وانا نتلقا الفين مشاهدة وحتا نهار لي كان قبل منو الفين مشاهدة وكلهم من كوكل وليت ندير روفريش ونقول مال هدشي واش شي موقع كبير دار ليا باك لينك اش واقع. لمهم كانت تجريبة لي خلاتني نحب سيو وخلاتني نخدم فيه وانا فرحان بلا فلوس بلا والو داك الموقع مسحتو بقي لاسباب دينية. لمهم نتمنى تكون وصلاتكم فكرة انه سيو مكيخمدش فنفس لوقت عطيه وقتو. لمهم والله تعيت بلكتبة نفطر ونعود نكتب لبوسط المهم تاع تجربتي مع الموقع لي عندي دبا والاخطاء وكيفاش تصدرت اختصار تاع الكلمة لي ستاهدفت فقل من شهر. منتقد غامع راسو يله قال لينا السيو مكيخدمش حتا كتفوت ثلاثة اشهر.