كنعتذر على عدم الاسراع في تنزيل الفيديو الخاص ب kdp نظرا لظروف شخصية خارجة عن الارادة المهم الغروب تزادو فيه ناس جداد تبارك الله عليهوم بعجالة ندوزو الموضوع اللي داير بوم دبا هو الكيديبي انا مغاديش نگوليك كيفاش تفتح كونط و داكشي الاساسي انا لا انقص من قيمة اي شخص مبتدأ لاني فالاصل مبتدأ بوصنطيحة هههه اخويا الى يلاه اتسمع بهاد الدومين سير شوف داكشي اللي غادي تحتاج اوكولشي وقادو واجي قرا لبوسط ديال خوك ياسين اللي فيه شي نويطات خارجين من القلب بمعنى القوالب اللي عرفهوم غادي نگولهوم ليك اتگول اواه هادا من نيتو انگوليك اه و الحمد لله معايا كلشي ممكن و مبغيت منك والو غي دعوة ديال الخير و كومنتير زوين باش اخلينا نزيدو الجهد و نيڤو ديال المعلومة حيت باقي عندي شلا ميتقال و القوالب علا الجهد اللي عمرهوم اتيحو علا بالك و لا حتا شي حد ماهضر عليهوم فالويب العربي سافي خويا ياسين دوز الموضوع راه مرضتينا هههن على بركة الله اولا علاش كلشي ولا كيهضر على الكيديبي دابا اخويا اغلبية د الناس اللي هضرو على الموضوع الهدف ديالهم ماشي غي اوريو الضومين و انما اربحو عن طريقو واخا ماشي شي رباح مي قادي ليهوم الغراد هاد النقطة انهضر عليها دغيا وندوز المهم كيربحو من ادسنس اللي شي حاجة معروفة و كذلك الافيليت ديال البرامج ديال الاوتوماتيزايشن ههه اللي كيخرجو علا بنادم و غادي نگوليكم علاش من بعد و كاين النوع الذكي اللي مصاوب سيت ديالو داير فيه هاد اللعيبات بحال الانيريورز و الفيكتورز و داكشي و داير ليهوم اشتراك شهري المهم هادي الخلاصة علاش هوما دايرين هاد الروينة زائد واحد خونا كيفتاخرو بيه الدراري بزاف ما نگولش سميتو گاليك اسيدي غي باش تاصل بيه ويوجهك خاصك تعطيه 350 usd لمدة ربع ساعة الى باقي عاقل هههه ثانيا علاش كولهوم بغاوك تخدم غي ف low content o no content books هنا اخوتي الى كنتي قافز خاصك طرح السؤال على نفسك اما الى كنتي من الفئة ديال صافي راه وراني الميتود انمشي نديرها تماما وغادي نربح شفتي الى كانت عندك هاد العقلية والله ما يمكن طور راسك اخويا ولا ختي كون مبدع شوية اصاحبي او راه ربي عطاك العقل اوا عجبني وحاول و لا حاولي تبتاكرو شي حاجة ديلكم اذن نرجعو من الاخر بغاوكم تكبو على داك النيتش بضبط باش هوما ادربو الصرف ف جيهة اخرى ويخليوكوم مقاتلين فيه خلاصة هاد المحور الى كنتي خدام غي الكتب اولا الكراريس بدون محتوى ولا نوت بوك وداكشي عرف راسك كضيع وقتك علا وديت دولار ولا جوج اه هوما فلوس طبعا الى طحتي على شي نيتش غابر و عليه الطلب السر الاول ولا سميه اللي بغيتي عوض ما ضيع وقتك فالديزاين و داك التخربيق ديال خاصني نليستي 100 book ليوم باش نجيب لي سيلز و تبدا غي تخربق عرف راسك غادي اتسد ليك الكونط ف اقرب واقت والى بقيتي متبعهوم لا خاصك تحط الف عاد تجيب مابيعات لا اخويا الخدمة ماشي هاكا اوا سمعني اش غادي نگوليك وسير طبقو على حقو طريقو رد عليا الخبار غادي تمشي تقلب على شي نتش مطلوبين فيه الكتوبا ف امازون وحاول تقلب انك تلقا شي نيتش كيعالج شي مشكل لانك كتزيد من الفرص دايلك باش تجيب مبيعات ملي طتلقاه اتمشي غادي تحاول تكتب كتاب اه كتاب اولا كتيب مفيد فذاك النيتش وتقادو كامل بكولشي ليه موت معاه اخويا هادشي اللي غادي نگوليك قلب على اللي يكتب ليك ولا نتا براسك وخدمو بالعقل وكلشي راك عارف و جبد ليه لي كيوورد اللي غادي تخدم عليهوم وقاد ليه الكوفر و الديسكريبشن و الخ ...... هنا مزيان نتاقلتي من واحد عاطيها للسبام لواحد محترف اتگول ليا واخا هاني كتب كتاب ديالي اوكلشي مي اقدر اكونو المبيعات قلال اه متافق معاك و لاكن متنساش راه البروفيت ديال كتاب بحتوى ماشي هو ديال بدون محتوى و احسن حاجة تبيعو علا شكل ايبوك و لا كندل حسن لان البروفيت كيفوت سبعين فالمية بعد المرات حتا لهنا تافقنا مزيان غادي تسولني اتگول ليا كيفاش نزيد من عدد المبيعات وهادا هو السر رقم جوج السر رقم 2 هادي اهم خطوة وقليل اللي عارفها وهي كيفاش نتغلبو على خواريزميات امازون باش ناخدو ترتيب مزيان هنا ايخصك ت انفيستي شوية دير ادس ف فايسبوك باش تجيب ترافيك للكتاب ديالك و حاول يكون ادس متقون و مستهدف مزيان حيت يقدر نسبة من هداك الترافيك تشري من عندك ادن اخي ولا اختي الخواريزميات ديال امازون ملي كتشوف الحرطة دايرة فالكتاب ديالك ديما زائد كاين بعض المبيعات كتحاول كل مرة تخفض الترتيب ديالك باش تولي تبان من الاولين ف الكيورد ديالك وتبدا تجيب مبيعات ان شاء الله و للحديت بقية و باقي شلا ميتقال و نيتشات والروينة هههه الى بغيتو نكمولو ان شاء الله گولوها و شوية ديال التحفيز و دعوة ديال الخير تكفي يتبع ان كان التفاعل هههه
